संग्रहालयमा राखिएका मूर्ति घर फिर्ता गराउने निर्णय

काठमाण्डौं । काठमाण्डौं महानगरपालिकाले संग्रहालयमा राखिएका मूर्ति घर फिर्ता गराउने निर्णय गरेको छ । महानगरपालिका भित्र विभिन्न स्थानबाट संग्रहालय पुगेका मूर्तिहरुलाई कानुनी तथा प्रशासनिक प्रक्रिया पूरा गरेर घर फिर्ता गर्ने निर्णय भएको हो ।
महानगरपालिकाका कार्यवाहक प्रमुख सुनिता डंगोलको अध्यक्षतामा प्रमुख प्रशासकीय अधिकृत सरोज गुरागाईँ, सम्पदा तथा पर्यटन समितिका संयोजक आशामान संगत, साझेदार कार्यालयका अधिकारी, जनप्रतिनिधि र समुदायमा प्रतिनिधि बिच भएको बैठकले सोे निर्णय गरेको छ ।
सो क्रममा विश्व सम्पदा दिवस २०८३ का अवसरमा महागौरी÷पार्वतीको मूर्ति पुनःस्थापना गर्ने निर्णय भएको छ । मरुबाट चोरी भएको स्थानमा मूर्ति पुनःस्थापना गर्न का. म. पा. वडा नं. २० का अध्यक्ष राजेन्द्र मानन्धरको संयोजकत्व समिति गठन भएको छ । भोलि मूर्ति पुनःस्थापना गर्ने कार्यक्रम छ ।