इन्डियन प्रिमियर लिग (आइपिएल)मा मंगलबार सनराइजर्स हैदराबाद र दिल्ली क्यापिटलबिच प्रतिस्पर्धा हुँदैछ।
हैदराबादमा रहेको राजिव गान्धी क्रिकेट स्टेडियममा हुने सो खेल नेपाली समय अनुसार बेलुका पौने ८ बजेबाट सुरु हुनेछ। जारी आइपिएलमा हैदराबाद चौथौ र दिल्ली पाँचौ स्थानमा छ। हैदराबादले ६ खेल खेलिसकेको छ भने दिल्ली हालसम्म ५ खेल खेलेको छ।
६ खेलमा प्रतिस्पर्धा गरेको हैदराबाद ३ खेलमा विजयी हुँदा ३ खेलमा पराजित भएको छ। त्यस्तै, दिल्ली भने ५ खेलमा ३ खेलमा जित्दा २ खेलमा पराजय भोगेको छ।
हालसम्म आइपिएलको इतिहासमा यी दुई टोली २६ पटक आमने-सामने भएका छन्। जहाँ दिल्लीमाथि हैदराबाद हावी भएको छ। हैदराबादले १३ खेलमा जित्दा दिल्लीले १२ खेलमा जित हात पारेको छ।
