कपिलबस्तु, बैशाख ८ गते । जिल्लाको कपिलबस्तु नगरपालिकामा एउटा सरकारी विद्यलय व्यक्तिको जग्गामा सञ्चालन हुदै आएको छ । नगरपालिकाको वडा नं. १२ अकबरपुर स्थित श्री सरस्वाति सामुदायिक आधारभूत विद्यालय व्यक्तिको जग्गामा सञ्चालन हुदैं आएको हो ।
विद्यालयकी प्रधानाध्यापक गंगा ज्ञवालीका अनुसार वि.सं २०५७ सालमा स्थापित विद्यालयको जग्गा विद्यालयको नाममा नामसारी नहुंदा धेरै समस्या हुदै आएको बताउनुभयो । उहाँले भन्नुभयो“सञ्चालन भएको विद्यालयको जग्गा विद्यालयको नाममा नामसारी नहुंदा विद्युत, इन्टरनेट लगायतको सेवाबाट बञ्चित हुनु परेको छ ।” नगरपालिकाले विद्यालयमा बैकल्पिक रुपमा सोलार जडान गरेर पनि समास्याको सामाधान गर्नु पर्ने प्रअ ज्ञवालीको भनाई छ । उहाँले विद्यालयमा पंखा नहुंदा गर्मीको समयमा विद्यार्थीहरु बेहोस हुने गरेको बताउनुभयो ।
जग्गाधनीका दाजु त्रिभुवन यादवका अनुसार श्री सरस्वाति सामुदायिक आधारभूत विद्यालय रहेको विद्यालयमा मेरो बुबा छत्रपालको नाम समाबेश गर्नु पर्ने माग गर्नु भएको छ । उहाँले भन्नुभयो “हामीले जग्गा दिइएपछि हाम्रो पनि नाम विद्यालयमा राख्नुपर्छ, जस्तै विठुवामा रहेको विद्यालयमा ‘रामदेव आधारभूत विद्यालय’ राखिएको छ ।”
स्थानिय राम उजागिर चमारका अनुसार जस्ले जग्गा दिन्छ त्यसको नाम समाबेश गर्नु पर्ने बताउनुभयो । विद्यालय रहेको करिब एक कठ्ठा(कित्ता नं.९२९) जग्गा प्रभु यादवको नाममा रहेको छ । कक्षा चार सम्म पठन पाठन भईरहेको सो विद्यालयमा ७० जना बालबालिका अध्ययन गरिरहेका छन् ।
कपिलबस्तु नगरपालिका वडा नं. १२ का वडाध्यक्ष इन्सान अलि धुनियाका अनुसार व्यक्तीको नाममा रहेको जग्गा विद्यालयको नाममा ल्याउने बताउनुभयो । उहाँले भन्नुभयो “जग्गााधनीको चित्त बुझाएर व्यक्तिको नाममा रहेको जग्गा विद्यालयमा ल्याउने प्रक्रिया अगाडी बढिसकेको र छलफल जारी रहेको बताउनुभयो ।” विद्यालय स्थापना भएको दुई दशक भन्दा बढी बितिसक्दा पनि सरोकारवाला निकायले चांसो दिइएको देखिदैन् ।
