आयुर्वेद औषधि व्यावसायी संघ कपिलवस्तुको अध्यक्षमा घिमिरे निर्विरोध

कपिलवस्तु, वैशाख २७ गते । नेपाल आयुर्वेद औषधि व्यावसायी संघ कपिलवस्तु जिल्लाको तेस्रो अधिवेशन सम्पन्न भएको छ। अधिवेशनले मतिराज घिमिरेको नेतृत्वमा नयाँ जिल्ला कार्यसमिति निर्विरोध चयन गरेको छ।
नवनिर्वाचित कार्यसमितिको उपाध्यक्षमा शान्तराज गैरे, सचिवमा डाक्टर दिनेश थारु, कोषाध्यक्षमा सुरेन्द्र प्रसाद पाण्डेय तथा सदस्यमा गोपाल खनाल र प्रकाश आचार्य चयन हुनुभएको छ।
अधिवेशन सभ्य तथा भव्य रूपमा सम्पन्न भएको आयोजकले जनाएको छ। अधिवेशनबाट निर्वाचित पदाधिकारी तथा सदस्यलाई बधाई तथा सफल कार्यकालको शुभकामना व्यक्त गरिएको छ।
यसैबीच, अधिवेशन सम्पन्न भएलगत्तै बसेको पहिलो बैठकले सल्लाहकार समिति संयोजकमा एक जनालाई मनोनित गरेको जनाएको छ। नवगठित समितिप्रति आभार व्यक्त गर्दै संघलाई अझ प्रभावकारी रूपमा अघि बढाउने प्रतिबद्धता व्यक्त गरिएको छ।
कार्यक्रममा सहभागीहरूले आयुर्वेद औषधि व्यवसायलाई व्यवस्थित, मर्यादित तथा सेवामुखी बनाउन नयाँ कार्यसमितिले सक्रिय भूमिका निर्वाह गर्ने विश्वास व्यक्त गरेका थिए।