दुई वडा एकैसाथ बालमैत्री घोषणा

जिल्लाको कपिलवस्तु नगरपालिकाका २ वटा बडालाई एकै पटक बाल मैत्री वडा घोषणा गरिएको छ । कपिलवस्तु नगरपालिका वडा नम्बर ६ स्थित तिलौराकोट माबिमा राखिएको समारोहमा वडा नम्बर ६ र ११ लाई एकसाथ बालमैत्री वडा घोषणा गरिएको हो ।
जिल्ला समन्वय समितिका प्रमुख बावुराम आचार्यले पानसमा दीप प्रज्जवलित गरी नगरपालिकाको २ वटा बडा बालमैत्री भएको उदघोष गरेका थिए । सो अवसरमा प्रमुख आचार्यले सामाजिक विकासको सुचकांकमा नगरपालिकाको २ वडाले फड्को मारेको बताए । उनले नगरपालिका सहीत जिल्लामा सबै वडालाई चाडै नै बालमैत्री घोषणा गर्नु पर्ने बताए ।
उनले शिक्षा स्वास्थ्य सहीत धेरै क्षेत्रमा पछि रहेको कपिलवस्तुलाई अघि बढाउन सबैका साथ र पहल आवश्यक रहेको बताए । उनले घोषणा गरिएको वडालाई कामय राख्न सबैले चासो दिनु पर्ने बताए ।
सो अवसरमा नगर प्रमुख सुदीप पौडेलले लामो प्रयास पछि २ वटा बडाले विकासमा एउटा ईटा थपेको बताए । उनले नगरलाई नै बालमैत्री घोषणाका लागि निरन्तर प्रयासरत रहेको बताए । उनले कपिलवस्तु जिल्ला नै शिक्षा र स्वास्थ्यमा पछि पर्नु दुःखद कुरा भएको भन्दै उनले अघि बढाउन सबैको साथ आवश्यक रहेको बताए ।
प्रजिअ जर्नादन गौतमले सबै सुचकहरु पुरा गरी २ वटा बडालाई बाल मैत्री घोषणा गनर्् राम्रो काम भएको बताए । यसलाई कायम राख्न सबै चनाखो हुनु पर्ने बताए ।
सो अवसरमा वडा नम्बर ११ का वडाअध्यक्ष रामगोपाल यादवले बालमैत्रीको सबै सुचकहरु पुरा भएकोको आधारमा २ वटै वडालाई बालमैत्री घोषणा गरिएको प्रतिबेदन प्रस्तुत गरेका थिए ।
कार्यक्रममा बालमैत्री घोषणका लागि सहयोग र साथ दिनेलाई दोसल्ला र कदर पत्रले सम्मानित समेत गरिएको थियो । बालमैत्री स्थानीय शासन कार्यान्वय निर्देशिका २०७८ र बालमैत्री स्थानीय शासन कार्यबिधि २०७९ तथा स्थानीय सरकार शासन संचालन ऐन २०७४ अनुसार सबै मापदण्ड र सुचक पुरा गरिए पछि दुबै वडालाई बालमैत्री वडा घोषणा गरिएको नगरपालिकाका सामाजिक विकास अधिकृत तथा फोलकपर्सन पदमराज श्रेष्ठले बताए ।
५१ वटा सुचक पुरा गरी सबैको अथक प्रयासले २ वटा वडाले यो सफलता हासिल गरेको उनले बताए ।
वडा नं. ६ र ११ गरी १८ वर्ष मुनिका बालक तिन हजार ८७६ र बालिका तिन हजार ६७९ गरी जम्मा ७ हजार ५५५ जना बालबालिका रहेका छन् ।