कपिलबस्तु, साउन ५ गते । जिल्लाको कपिलबस्तु नगरपालिका ५ बभनीमा मध्यकालिन मुद्रा सहितको करुवा फेला परेको छ । स्थानिय कृषक राजाराम यादवले खेतमा काम गर्ने क्रममा मुद्रा सहितको तामाको करुवा फेला परेको हो ।
स्थानियले प्रहरीलाई खबर गरेपछि त्यो पुराततिवक बस्तु स्थानिय, जनप्रतिनिधि र कपिलबस्तु संग्रहालयको टोलीले प्रहरी कार्यलय ल्याइएको थियो । भेटिएको तामाको करुवा सहितको मुद्रा कपिलबस्तु संग्रहालयमा लगिएको छ ।
जिल्ला प्रहरी कार्यालय कपिलबस्तुका प्रहरी उपरिक्षक मनोहर प्रसाद भट्टका अनुसार नगरपालिकाको बभानीमा प्राप्त पुरातत्विक वस्तुलाई आवश्यक अध्धयन अनुसन्धानका लागि कपिलबस्तु संग्रहालयलाई हस्तन्तरण गरिएको बताउनुभयो ।
कपिलबस्तु संग्रहालयकी प्रमुख शान्ति शेर्माका अनुसार नगरपालिको बभानीमा प्राप्त पुरातत्विक वस्तुलाई कपिलबस्तु प्रहरीले संग्रहालयलाई हस्तन्तरण गरेको बताउनुभयो । प्राप्त तामाका मुद्रा र करुवालाई संग्रहालयमा लगेर अध्ययन अनुसन्धान गरीने बताउनुभयो । उहाँले भन्नुभयो “भेटिएको पुरातत्विक बस्तु करिब १२ औं÷१३ औं शतब्दि(मध्यकाल)को हुन सक्ने अनुमान गरिएको बताउनुभयो ।”
करुवाबाट तामाको मुद्रा निकाल्ने क्रम जारी नै रहेको छ । यद्यपि करुवा भित्र अरवि लिपिमा लेखिएको दुई हजार ३१४ वटा तामाका सिक्काहरु रहेको अनुमान गरिएको छ । भेटिएको करुवा करिब २३ सेन्टिमिटर अग्लो रहेको छ ।
