कपिलवस्तु कारागारका कैदीबन्दीले रसुवाको भोटेकोशी बाढीपीडितका लागि एक लाख एक हजार १११ रुपियाँ सहयोग गरेका छन् ।
कारागारका दुईवटा ब्लकमा रहेका ४२२ जना कैदीबन्दीबाट ६६ हजार रुपियाँ संकलन भएको थियो । त्यसमा कारागारको ब्लक नं. १ का चौकीदार प्रेमनाथ त्रिपाठीले व्यक्तिगत रूपमा ३५ हजार १११ रुपियाँ थप सहयोग गर्नुभएको हो ।
चौकीदार त्रिपाठीले संकलित रकम प्रधानमन्त्री दैवी प्रकोप उद्धार कोषको बैंक खातामा जम्मा गरी त्यसको भौचर प्रमुख जिल्ला अधिकारी जनार्दनलाई हस्तान्तरण गर्नुभएको छ ।
कारागार प्रशासक मानबहादुर सारूले विपद्को समयमा कैदीबन्दीले गरेको सहयोग मानवीय संवेदनाको उदाहरण भएको बताउनुभयो । विपद्मा परेका नागरिकको पीडामा ऐक्यबद्धता जनाउँदै आफ्नो क्षमताअनुसार सहयोग गर्नु सकारात्मक पक्ष भएको उहाँले बताउनुभयो ।
