कपिलवस्तु ।भदौ २४ विपद् तथा संकटको समयमा सामाजिक उत्तरदायित्व बहन गर्दै सुनचाँदी व्यवसायी संघ तौलिहवाले प्रधानमन्त्री दैवी प्रकोप उद्धार कोषमा रु. १ लाख ३३ हजार ५११ आर्थिक सहयोग गरेको छ।
संघका अध्यक्ष देवीप्रसाद बर्माको नेतृत्वमा उपाध्यक्ष नित्यानन्द बर्मा, सचिव बिरेन्द्र बर्मा लगायतको टोलीले सहयोग रकम जम्मा गरिएको भौचर प्रमुख जिल्ला अधिकारी जनार्दन गौतमलाई हस्तान्तरण गरेको हो।
विपद्बाट प्रभावित नागरिकको उद्धार, राहत तथा पुनःस्थापनामा सहयोग पुग्ने उद्देश्यले संघले उक्त रकम प्रदान गरेको जनाएको छ। व्यवसायिक क्षेत्रबाट सामाजिक दायित्वप्रति देखाइएको यो सहयोगले विपद्को समयमा पीडित परिवारलाई राहत पुर्याउन थप सहयोग पुग्ने विश्वास गरिएको छ।
