-टोकियो, जापान
विश्वमै सबैभन्दा धेरै कोरोनाका बिरामी पुष्टि हुन थालेको जापानले जुलाई ३ तारिख संक्रमित संख्यामा नयाँ किर्तिमान बनाएको छ । यहाँको स्वास्थ्य मन्त्रालयका अनुसार बुधवार करिव २ लाख ५० हजार जना नयाँ संक्रमित थपिएका छन् ।
स्वास्थ्य मन्त्रालयको तथ्यांक अनुसार बुधवार एकैदिन २ लाख ४९ हजार ८ सय ३० जना नयाँ कोरोनाका बिरामी पुष्टि भएका छन् । जापानमा एकैदिन संक्रमित कोरोनाका नयाँ बिरामीको यो संख्या अहिलेसम्मकै धेरै हो । द्रुत रूपमा बढ्दो नयाँ कोरोना संक्रमितको संख्याले तनावपूर्ण चिकित्सा प्रणालीमा चिन्ता बढाएको छ ।
जापानमा लगातार दुई दिन २ लाख भन्दा बढि कोरोनाका संक्रमित पुष्टि हुँदा अघिल्लो दिन मंगलबार २ लाख ३३ हजार संक्रमित भेटिएका थिए । पछिल्लो रेकर्ड संख्यामा कोरोनाका बिरामी थपिंदै जाँदा जापान कोरोना जापानको सातौं लहरको सामना गरिरहेको छ ।
बुधवार टोकियोमा ३८,९४० नयाँ संक्रमितहरु पुष्टि हुँदा ओसाका प्रिफेक्चरमा २४,०३८ जनामा कोरोना संक्रमण पाइएको छ । ह्योगो प्रिफेक्चर जहाँ ११,२०१ संक्रमित दर्ता गरिंदा आइची प्रिफेक्चरमा १७,७७८ जनामा कोभिड सकारात्मक पुष्टि भएको छ ।
बुधवार जापानमा २४ घण्टाको अन्तरालमा कोरोना भाइरसबाट संक्रमित भएका १६९ जनाले ज्यान गुमाएको स्वास्थ्य मन्त्रालयले जनाएको छ ।
विश्व स्वास्थ्य संगठनको प्रतिवेदन अनुसार जुलाई २४ सम्म हप्तामा जापानमा ९६९,००० भन्दा बढी नयाँ कोरोनाभाइरसका घटनाहरू पुष्टि हुँदा विश्वमा सबैभन्दा धेरै संक्रमित पुष्टिको किर्तिमान बनेको छ ।
