टोकियो, जापान ।जापानमा अगष्ट १९ तारिख शुक्रबार अहिलेसम्मकै धेरै नयाँ कोरोनाका बिरामी पुष्टि भएका छन । अघिल्लो दिनको सन्क्रमित संख्याको रेकर्ड तोडिने क्रममा एकैदिन २ लाख ६० हजार कटेको छ ।
जापानको स्वास्थ्य, श्रम तथा कल्याण मन्त्रालयका अनुसार शुक्रबार साँझ ७ बजे सम्ममा देशभरमा २ लाख ६१ हजार २९ जना नयाँ कोरोनाका बिरामी पुष्टि भएका हुन् ।
जापानमा एकैदिन दैनिक कोरोनाका बिरामी दुई लाख ६० हजार नाघेको यो पहिलोपटक हो ।
शुक्रबार पछिल्लो २४ घण्टामा जापान २९२ जना कोरोनाका बिरामीको निधन भएको तथ्यांकमा उल्लेख छ । अझै देशभरका अस्पतालमा ६२७ जना गम्भिर अवस्थामा उपचाररत छन ।
टोकियोमा शुक्रबार एकैदिन २७ हजार ६ सय ७६ जना नयाँ कोरोनाका बिरामी थपिएका छन ।
