तौलिहवा, कात्तिक ५ गते । कपिलबस्तु जिल्ला प्रशासन कार्यालयले विस्पोटक पदार्थको ओसार पसार, बिक्री वितरणमा पूर्ण रुपमा रोक लगाएको छ । साथै चाड पर्वमा पटकाहरु, आतसवाजी जस्ता प्रज्वलनशील पदार्थहरु नपड्काउन, जुवातास लगायतका जुवाजन्य खेल नखेल्न नखेलाउन अनुरोध गरिएको प्रमुख जिल्ला अधिकारी धमेन्द्र कुमार मिश्रले बताउनुभयो ।
उहाँले कोही कसैबाट कानुन विपरितका कार्यहरु गरेको पाइएका प्रचलित कानुनबमोजिम कारबाही हुने बताउनुभयो । प्रशासनले तिहारमा देउसी, भैलो, नाच गान तथा सांस्कृतिक कार्यक्रम जस्ता मनोरञ्जनात्मक कार्यहरु बेलुका ९ बजेसम्म मात्र सञ्चालन गर्न अनुरोध गरेको छ ।
प्रशासनद्वारा विस्फोटक पदार्थको ओसार पसारमा रोक
