साझा नयूज । तौलिहवा
कपिलबस्तुको विभिन्न स्थानमा कार्तिक शुक्ल पुर्णिमा मंगलबार लाग्ने नहान मेलाको अवसरमा कपिलबस्तुका छ स्थानिय तहले सार्वजानिक विदा दिइएका छन् । जिल्लाको कपिलबस्तु, शिवराज, कृष्णनगर, महाराजगंज नगरपालिका, मायादेवी गाँउपालिका, विजयनगर गाँउपालिका र यशोधरा गाँउपालिकाले कार्तिक पुर्णिमाका दिन लाग्ने मेलाका लागि कार्तिक २२ गते बिदा गरेका हुन ।
स्थानीय तहले एक वर्षमा ५ दिन स्थानीय बिदा दिन पाउने प्रावधान छ । कपिलवस्तुको बाणंगा नदीको रामघाट, लक्ष्मणघाट र बर्गदीघाट लगायतका स्थानमा नहान मेला लाग्ने गर्दछ ।
कार्तिक पुर्णिमामा लाग्ने नाहन मेला जिल्ला कै सबै भन्दा पुरानो मेला भएको स्थानिय सल्लन धोविले बताउनुभयो । ‘नहानका दिन रामघाटमा लाग्ने मेला जिल्ला कै सबै भन्दा पुरानो मेला हो’ उहाँले भन्नुभयो । रामघाटमा लाग्ने मेलामा रामघाटमा स्नान गर्न र मेला भर्न भारतका विभिन्न स्थान तथा छिमेकी जिल्लाबाट समेत श्रद्धालु भक्तजनहरु आउने गरेको उहाँको भनाई छ ।
सोमबार(आज) राति नदी किनार र रामघाटको रामजानकी मन्दिर वरिपरि भजन किर्तन गर्ने गरिन्छ । मंसिर ४ मा हुने प्रतिनिधि तथा प्रदेश सभाको निर्वाचनका बेला लाग्ने मेलामा हुन सक्ने झडप र अशान्तिलाई मध्य नजर गर्दै सुरक्षाकर्मी परिचालन गरिएको प्रजिअ धर्मेन्द्र कुमार मिश्रले बताउनुभयो । उहाँले मेलामा जुवातास खेल्न र मेला परिसरमा रक्सी बिक्रि वितरणमा प्रतिबन्ध लगाइएको बताउनुभयो ।
नहान मेलाको अवसरमा कपिलबस्तु छ स्थानिय तहले दिए सार्वजानिक विदा
