रौतहट क्षेत्र नं ३ बाट प्रतिनिधिसभामा निर्वाचित सांसद प्रभु साहले आम जनता पार्टी गठन गरेका छन्।
एमालेले दिएको टिकट अस्वीकार गरेर स्वतन्त्रबाट प्रतिनिधिसभामा उम्मेदवारी दिएर विजय हासिल गरेका साहले आफ्नो अध्यक्षतामा नयाँ पार्टी बनाएका हुन्। साहको अध्यक्षतामा ५१ सदस्यीय तदर्थ केन्द्रीय समिति गठन भएको छ।
साहले बिहीबार पत्रकार सम्मेलनमार्फत पार्टी घोषणा गरेका हुन्।
साहको पार्टीको संसदीय विभाग प्रमुख रौतहट २ बाट निर्वाचित अर्का स्वतन्त्र सांसद किरण साह बनेका छन्।
संगठन विभाग प्रमुखमा कुन्दन कुशहवा छन् भने प्रचारप्रसार विभाग प्रमुखको जिम्मा चन्द्रभूषण साहले पाएका छन्।
