गरीव र विपन्न विद्यार्थीहरुलाई स्विटर वितरण

साझा न्युज । तौलिहवा
कपिलबस्तुको कपिलबस्तु नगरपालिकाको रत्नराज्यलक्ष्मी माध्यमिक विद्यालयका बाल बालिकाहरुलाई स्विटर वितरण गरिएको छ । विद्यालयमा अध्ययनरत पचाँस जना गरिब र विपन्न विद्यार्थीहरुलाई स्विटर वितरण गरिएको हो । रत्न राज्य लक्ष्मी माध्यमिक विद्यालयबाट २०४९ सालमा एस एल सी दिइएका ११ जना विद्यार्थीहरुबाट सो स्विटर वितरण गरिएको हो ।
कार्यक्रमका प्रमुख अतिथि कपिलबस्तु नगरपालिकाका नगर प्रमुख सुदीप पौडेल, विशिष्ठ अतिथि कपिलबस्तु निर्माण व्यवसायी संघका सचिव रमेश कुमार मिश्र, अतिथिहरुमा डां सतिश उपाध्याय, विद्यालयका प्रअ दिवाकर प्रसाद चौधरी, सत्रुघन चौधरी, शुनिल शुक्ला र मजिबुर खान लगायतको सहभागिता रहेको थियो । कार्यक्रम लुम्बिनी विकास कोषका नि बर्तमान सदस्य राजेश ज्ञवालीको अध्यक्षतामा भएको थियो ।