जिल्लाको बुद्धभूमि नगरपालिकामा सुरक्षित आप्रवासन कार्यक्रम ९सामी० सम्बन्धि स्थानीय तहका पदाधिकारी तथा शाखा प्रमुखहरुसंग अन्तरक्रिया तथा अभिमुखिकरण कार्यक्रम गरिएको छ । आज मंगलबार नगरपालिकाको सभाहल बुढ्डीमा उक्त कार्यक्रम गरिएको हो ।
कार्यक्रममा सामी कार्यक्रम व्यवस्थापक पन्चराम चौधरीले प्रशिक्षण दिएका थिए । कार्यक्रमलाई सम्बोधन गर्दै मेयर केशवकुमार श्रेष्ठले नगरपालिकाबाट वैदेशिक रोजगारीमा गएकाहरुलाई सुरक्षित वातावरणमा रोजगारीका अवस्था सिर्जना गराउन यस्ता कार्यक्रम ल्याउन आवश्यक रहेको बताए । उनले बुद्धभूमि नगरपालिकाबाट विदेश गएकाको संख्या पत्ता लगाउन गणकहरुलाई तालिम दिई संख्या पत्ता लगाउन नगरपालिका प्रभावकारी ढङ्गले अघि बढ्ने दिशातर्फ उन्मुख रहेको बताए ।
उनले श्रम स्वीकृत लिएर तथा अध्ययनका लागी गएका नगरवासीको तथ्याङ्क संकलन गर्ने गरि काम अघि बढाउने समेत बताए । सुरक्षित आप्रवासन ९सामी० कार्यक्रम नेपाल सरकार र स्वीस सरकारको द्विपक्षीय सम्झौता अन्तर्गत संचालनमा रहदै आएको प्रमुख प्रशासकिय अधिकृत रमेश गौतमले जानकारी दिए ।
उनले यो कार्यक्रम श्रम, रोजगार तथा सामाजिक सुरक्षा मन्त्रालय र स्थानीय सरकारको नेतृत्वमा कार्यान्वय भईरहेको बताए । उपसचिव लिल बहादुर राउत क्षेत्रीले स्वागत मन्तव्य राखेको कार्यक्रम रोजगार संयोजक रविन चौधरको संचालनमा सम्पन्न भएको हो ।
