कपिलवस्तु, फागुन ३ गते ।
लुम्बिनी प्रदेश स्थापना दिवसको अवसरमा तौलिहवा स्थित कपिलवस्तु अस्पतालमा बृहद रक्तदान कार्यक्रम संपन्न गरिएको छ । नेपाल रेडक्रस सोसाईटी कपिलवस्तु शाखाको सहकार्य र कपिलवस्तु अस्पतालको आयोजनामा रक्तदान कार्यक्रम गरिएको हो ।
सो अवसरमा २२ जनाले रक्तदान गरेको अस्पतालका सुचना अधिकरी डाक्टर गणेश क्षेत्रीले बताए । सो अवसरमा रक्तदान गर्दै प्रजिअ शंकरहरि आचार्यले रक्तदान जीवन दान भन्ने नारालाई आत्मसात गरी आफुले बर्षो देखि रक्तदान गर्दै आएको बताए । उनले रक्तदान जस्तो पुन्य काम गर्न पाउदा आफुलाई निकै खुशी लागेको उनले बताए ।
कार्यक्रमा नेपाली सेनाका सेनानी दिलीप घले र सशस्त्र प्रहरी उपरिक्षक जीवन केसी लगायतले रक्तदान गरको थिए । कार्यक्रममा पत्रकार महासंघका जिल्ला अध्यक्ष किरणमान बज्राचार्य, प्रहरी उपरिक्षक प्रेम बहादुर बस्नेत, नेपाल रेडक्रस सोसाईटीका महामन्त्री सन्तोष श्रीवस्तव, स्वास्थ्य कार्यालयका उदयचन्द चौरसिया, बिष्णु बैस, अस्पतालका ब्यवस्थापक रत्नाकर शुक्ला लगायतको सहभागीता थियो ।
प्रदेश स्थापना दिवसको अवसरमा कपिलवस्तु अस्पतालमा बृहद रक्तदान
