ढल्केवर, चैत ७ गते । इलाका प्रहरी कार्यालय ढल्केवर धनुषाले लागूऔषधसहित एक जनालाई पक्राउ गरेको छ । जिल्लाको मिथिला नगरपालिका–६, ढल्केवरका ३७ वर्षीय रामहित साहलाई लागूऔषधसहित पक्राउ गरिएको इलाका प्रहरी कार्यालय ढल्केवरका प्रहरी निरीक्षक कविन राईले बताउनुभयो ।
साहलाई प्रतिबन्धित लागूऔषध एस्कीप्लोन सय एमएलको ४० बोतलसहित नियन्त्रणमा लिएको उहाँले जानकारी दिनुभयो ।
विशेष सूचनाको आधारमा कार्यालयबाट खटिएको प्रहरी टोलीले साहको घरमा खानतलासी गर्दा घरभित्र लुकाइएको अवस्थामा सो लागूऔषध बरामद भएको थियो । साहमाथि लागूऔषध मुद्दा चलाइएको र जिल्ला अदालत धनुषाबाट म्याद लिएर थप अनुसन्धान कार्य भइरहेको प्रहरी निरीक्षक राईले बताउनुभयो ।
