धनुषा, चैत १५ गते । मधेश प्रदेशका दलित तथा सिमान्तकृत समुदायको जिवनशैलीमा रुपान्तरणका लागि रतौली युवा क्लवल सञ्चालन गरेको सामाजिक आर्थिक सशक्तिकरण परियोजना अन्तर्गत जनकपुरधाममा एक दिने अभिमुखि कार्यक्रमको आयोजना गरी जनप्रतिनिधि र सरोकारवालालाई लैङ्गिकमैत्री योजना, नीति तथा बजेटबारेमा जानकारी गराइएको छ ।
पालिकाका प्रमुख, उपप्रमुख, वडा अध्यक्ष र विभिन्न महिला समुहका पदाअधिकारी एवम् प्रतिनिधि सहभागी रहेको सो कार्यक्रममा विभिन्न समुदाय एवम् जातजातिका लागि संविधानले तोकेको अधिकारको कार्यान्वय गर्न जनप्रतिनिधि इमान्दार भएर कामकाज गर्नुपर्ने भनिएको छ ।
स्थानीय सरकार सञ्चालन निर्देशिकामा हरेक विषय समावेश गरिए पनि धेरैजसो पालिकाले अझै पनि त्यसको कार्यान्वय गर्न नसकेको र त्यसको असर महिला, बालबालिका, दलित तथा सिमान्तीकृत समुदायलाई बढी पर्नेगरेको सहभागीले बताएका छन् ।
परियोजनामार्फत जनप्रतिनिधिलाई लैङ्गिकमैत्री योजना, नीति तथा बजेटबारे जानकारी दिनुको साथै दलित र सिमान्तकृत समुदायका व्यक्तिलाई सीपमुलक तालिम, उनीहरुका लागि संविधानमा उल्लेख भएका अधिकारबारेमा जानकारी, जिविकोपार्जनका लागि उनीहरुले गर्ने व्यवसायमा अनुदान सहयोग दिने कार्यक्रम रहेको रतौली युवा क्लवका निर्देशक वैद्यनाथ चौधरीले जानकारी दिनुभयो ।
निर्देशक चौधरीका अनुसार स्थानीय आवश्यकताको पहिचानगरी ती आवश्यकताको परिपुर्तिका लागि परियोजनाले काम गर्ने जानकारी दिनुभयो । कार्यक्रममा लक्ष्मिनियाँ गाउँपालिकाका अध्यक्ष भोगेन्द्र झा, सोही गाउँपालिकाका प्रशासकीय अधिकृत नागेन्द्र यादव सहितले धारणा राख्नुभयो ।
