सुरक्षित आश्रय गृहको दिगोपनकालागि पालिकाहरुले निरन्तर सहयोग गर्ने

कपिलवस्तु, असार १ गते । कपिलवस्तुको तौलिहवामा हिंसामा परेका महिलाहरुलाई लक्षित गरी संचालित सुरक्षित आश्रय गृहकालागि पालिकाहरुले निरन्तर सहयोग गर्ने प्रतिबद्धता गरेका छन । साथी संस्था नेपाल, जिल्ला समन्वय समिति, सिद्धार्थ सामाजिक विकास केन्द्र र युएनएफपिएको संयुक्त आयोजनामा तौलिहवामा राखिएको सुरक्षित आश्रय गुहको दिगोपनकालागि पालिकाहरुसंगको समन्वयात्मक बैठको सो प्रतिबद्धता गरिएको हो ।
बैठकले आश्रय गुह संचालनकालागि नगरपालिकाले ५ लाख र गाउपालिकाले ३ लाख रुपैया बर्षिक रुपमा सहयोग गर्ने लिखित निर्णय समेत गरिएको छ । यस्तै आश्रय गुह संचालनकालागि कार्य संचालन निर्देशिका निर्माण गर्ने र संचालन मस्र्यौदा तयार गर्न जिल्ला समन्वय अधिकारीको संयोजकत्वमा ५ सदस्यीय समिति निर्माण समेत गरिएको छ । जसको सदस्यहरुमा पोम नारायण पौडल, निरंजन पौडल संजय पंडीत र बिमला पौडेल सदस्य छन ।
सुरक्षित आश्रय गुहको दिगोपनरुपमा संचालन गर्न तत्कालीन अवस्थामा रहेको महिला तथा बालबालिका कार्यालयको भवन उपलब्ध गराउनकालागि कपिलवस्तु नगरपालिकासंग अनुरोध गर्ने निर्णय समेत गरिएको छ । आश्रय गुहकालागि आवश्यक आवश्यक बजेट संघीय र प्रदेश सरकारसंग माग गर्ने र त्यसको समन्वय बुद्धभुमी नगरपालिकाका मेयर केशव कुमार श्रेष्ठले गर्ने समेत निर्णय गरिएको छ ।
सो अवसरमा जिल्ला समन्वय समितिका प्रमुख बावुराम आचार्यले सुरक्षित आश्रय गुह संचालनकालागि आफनो स्तरबाट सबैले सहयोग गर्नु पर्ने बताए । उनले सबै पालिकाहरुले यसकालागि सहयागे गर्न अपील समेत गरे । सो अवसरमा बुद्धभुमी नगरपालिकाका मेयर केशव कुमार श्रेष्ठले आश्रय गुहकालागि प्रदेश र संघीय सरकारसंग समेत समन्वय गरी अघि बढनु पर्ने बताए ।
कार्यक्रममा आश्रय गृहुकी संयोजक बिमला पौडलले आश्रय गुहलाई सबै पालिकाहरुले सहयोग गर्नु पर्ने बताईन । आश्रय गुहका हाल सम्म १ हजार ३८ जनाले सेवा लिएको बिवरण प्रस्तुत गरिन । जिल्ला बाहिर, भारतका महिलाहरु समेत आश्रय गुहको सेवा लिएको बताईन ।
जिल्ला समन्वय प्रमुख आचार्यको अध्यक्षता र पोम नारायण पौडलको स्वागत मन्तब्यमा भएको कार्यक्रममा शिवराज नगरपालिकाका नगर प्रमुख अजय थापा प्रजिअ शंकरहरि आचार्य, सुद्धोदन गाउपालिका प्रमुख कमलेशशरण चौधरी, बिजयनगर गाउपालिका अध्यक्ष गोपाल थापा, कपिलवस्तु नगरपालिकाका प्रमुख प्रशाकीय अधिकृत गणेश प्रसाद अर्याल, बिजय नगरगाउपालिकाका प्रमुख प्रशासकीय अधिकृत शोभाराम रिजाल मायोदेबी गाउपालिकाका प्रमुख प्रशाकीय अधिकृत परमेश्वर यादव लगायतले मन्तब्य दिएका थिए ।