सशस्त्र प्रहरीद्धारा भारतबाट अबैधरुपमा भित्राइएको १२ लाखको सामाग्री बरामद

कपिलवस्तु
सशस्त्र प्रहरीले भारतबाट अबैधरुपमा नेपाल भित्राइएको अबैध मल लगायतका १२ लाखको सामान बरामद गरेको छ । एक पिक अप भ्यान, २ मोटरसाईकल सहीत सो अबैध सामान पक्राउ गरेको हो ।
सशस्त्र प्रहरी बल नेपाल गण नम्बर २८ हेडक्वाटर कपिलवस्तुका मातहतमा रहेको बिओपी चाकरचौडाले शुद्धोधन गाउपालिका वडा नम्बर ३ कोठियाघाटमा भारतबाट अबैधरुपमा भित्राइएको ३८ बोरा युरिया मल ८० केजी माछा र रा १ च ११६८ नम्बरको पिक अव भ्यान बरामद गरको छ ।
सशस्त्र प्रहरी उपरिक्षक जीवन केसीले सिमा नाकाहरुमा बिओपी स्थापना संगै सिमा नाकामा कडाई गरिए पछि अहिले धमाधम तस्करी गरि ल्याइएको सामान बरामद हुन लागेको बताए । यस्तै अनुगमन र निग्रानी बढाउदा २ वटा मोटरसाईल र भारतबाट ल्याइएको बिभिन्न सरसामान समेत बरामद भएको उनले बताए । बरामद सामान र गाडी भन्सारलाई बुझाइएको उनले बताए ।