विराटनगर, असार २१ गते । नेकपा (एमाले) कोशी प्रदेश संसदीय दलले सभामुख समेतको संख्या देखाएर पेश हुने दाबीलाई मान्यता नदिन प्रदेश प्रमुखलाई आग्रह गर्नेभएको छ ।
एमाले संसदीय दलको तर्फबाट प्रदेश प्रमुखलाई लिखित र मौखिक रुपमा सभामुखलाई सरकार गठन प्रक्रियामा समावेश नगर्न आग्रह गर्ने तयारी भएको सो दलले जनाएको छ ।
एमाले कोशी प्रदेश संसदीय दलका प्रमुख सचेतक रेवतीरमण भण्डारीले भन्नुभयो, ‘सभामुखलाई सरकार गठनको अंकगणितमा समावेश गर्न मिल्दैन भन्नेमा हामी प्रष्ट छौं र यो विषय प्रदेश प्रमुखलाई लिखित र मौखिक दुबै ढङ्गले आज आग्रह गर्दैछौं ।’
प्रदेश प्रमुख पर्शुराम खापुङले दलहरुलाई संविधानको धारा १६८ (२) बमोजिम दुई वा सोभन्दा बढी दलको समर्थनमा मुख्यमन्त्री दाबी गर्न आज अपरान्ह ५ बजेसम्मको समय दिनुभएको छ ।
विपक्षी गठबन्धन दलले सभामुख समेतको संख्या लिएर मुख्यमन्त्रीमा दाबी पेशगर्ने तयारीमा छ । विपक्षी दलहरु ४ः३० बजे मुख्यमन्त्री कार्यालयमा पुग्ने तयारी गरेको जानकारी प्राप्त भएको छ ।
