साझा न्यूज । देउखुरी (दाङ्ग)
लुम्विनी प्रदेश निर्माण व्यवसायी संघका पदाधिकारीहरुले लुम्विनी प्रदेशको मुख्यमन्त्री कार्यालयमा आईतवार धर्ना तथा प्रदर्शन गरेका छन् ।
महासंघले सवै निर्माण कार्यको भुक्तानी हुनु पर्ने, नेपाल सरकारबाट जारी म्याद थपको आदेशमा संशोधन गरी सम्पूर्ण आयोजनाहरुको एकमुष्ठ रुपले म्याद थप गर्न पुनः आदेश जारी गर्नु पर्ने लगायतका ९ बुंदे माग सहित मुख्य मन्त्री तथा मन्त्री परिषदको कार्यालयमा धर्ना दिएको हो ।
अध्याधिक र अप्रत्याशित रुपले भएको मूल्यबृद्धिलाई सम्वोधन हुने गरी मुल्य समायोजन गरिनु पर्ने, रुग्ण आयोजनाहरु अन्यौलग्रस्त र बजेट नभई काम हुन नसक्ने एवं काबु बाहिरका निर्माण कार्य सुविस्ताको आधारमा अन्त्य गर्नु पर्ने माग समेत महासंघको तर्फबाट मुख्य मन्त्री समक्ष पेश गरिएको छ ।
यसै गरी चेक बाउन्स र बैंक ग्यारेन्टी जफत गर्ने लगायतका कारवाही रोकिनु पर्ने माग पनि निर्माण व्यवसायीहरुले राखेका छन् । महासंघका लुम्विनी प्रदेश कार्यवाहक अध्यक्ष दिनेश हमाल सहितका कार्य समितिका पदाधिकारीहरुको टोलीले मुख्य मन्त्रीको कार्यालयमा धर्ना दिनुका साथै नेपाली कांग्रेस लुम्विनी प्रदेश कार्यालयमा समेत आफ्ना मागहरु प्रति ऐक्यवद्धता जनाई प्रदेश सरकारलाई दवाव सृजना गराउन आग्रह सहितको ज्ञापन पत्र बुझाएका छन् ।
नेपाली कांग्रेस लुम्विनी प्रदेश कार्यालयकी कार्यालय सचिव तेजु कुमारी विष्टलाई ज्ञापन पत्र बुझाउंदै कार्यवाहक अध्यक्ष हमाल
संघका कार्यवाहक अध्यक्ष दिनेश हमाल, उपमहासचिव विनय ज्ञवालीले नेपाली कांग्रेस लुम्विनी प्रदेश कार्यालयकी कार्यालय सचिव तेजु कुमारी विष्टलाई बुझाएका छन् । महासंघको ज्ञापन पत्र प्रति आफुहरु निकै संवेदनशील बनेको र प्रदेश सरकारलाई सो निर्माण व्यवसायीहरुको साझा माग संवोधनका लागि विशेष पहल गर्ने नेपाली कांग्रेस लुम्विनी प्रदेशका सभापति अमर सिंह पुनले प्रतिवद्धता व्यक्त गरेका छन् ।
महासंघका लुम्विनी प्रदेश कार्यवाहक अध्यक्ष दिनेश हमालले बताए । यता महासंघले लुम्विनी प्रदेशका १२ वटै जिल्ला स्थित जिल्ला प्रशासन कार्यालय अगाडी धर्ना तथा प्रदर्शन कार्यक्रम सम्पन्न गरिएको पनि कार्यवाहक अध्यक्ष हमालले बताए ।
