प्रेम चन्द रौनियार
नवलपरासी, असोज २० गते । पश्चिम नवलपरासीको प्रतापपुर गाउँ पालिका ७ पर्सा वाट प्रहरीले ३ लाख २४ हजारको सुनचाँदी सहित १ जनालाई पक्राउ गरेको छ ।
जिल्ला प्रहरी कार्यालय नवलपरासीका प्रहरी नायव उपरीक्षक रेशम बोहराले दिएको जानकारि अनुसार नियमित गस्तिमा रहेका ईलाका प्रहरि कार्यालय बेलाटारिका प्रहरि टोलिले प्रतापपुर ७ पर्सामा दक्षिणबाट उत्तर तर्फ आउँदै गरेको लु ७९ प ६२९ नम्बरको मोटरसाइकल लाई शंका लागि चेक जाँच गर्ने क्रममा प्रहरीले उक्त परिणामको विल नभएको सुनचाँदी बरामद गरेको हो ।
प्रहरीले चेकजाँचको क्रममा २ लाख ४० हजार बराबरको ४३ ग्राम ९ सय ३० मिलिग्राम सुन र ८० हजार रुपैयाँ मुल्य बराबरको १ किलो ४ सय २४ ग्राम ९०० मिलि ग्राम चाँदी बरामद गरेको नायब उपरिक्षक बोहराले बताउनु भएको छ ।
प्रहरीले सुनचाँदी ल्याउने सुस्ता ३ बस्ने ३६ बर्षका सन्दीप सुनारलाई पक्राउ गरेको छ । प्रहरीले उनको खोल्टीबाट सुन र चाँदी बरामद गरेको थियो । सुनचादी र सुनारलाई आवश्यक कारवाहीको लागि राजश्व अनुसन्धान कार्यालय बुटवल पठाएको जनाइएको छ ।
नवलपरासीमा सुनचाँदी सहित पक्राउ
