साझा न्यूज । तौलिहवा (कपिलवस्तु)
कपिलवस्तु, २२ अषाढ । कपिलवस्तु नगर क्षेत्रलाई सुन्दर हरियाली बनाउने अभियान स्वरुप एक युवा पांच विरुवा भन्ने नारा सहित बजार क्षेत्रको सडक पेटी र आसपासमा बृक्षारोपण गरिएको छ ।
हुलाकी राजमार्ग अन्र्तगत तौलिहवा बजार क्षेत्रमा रहेको मुख्य सडकको विचको मिडियनमा विभिन्न रंगका बैगन वेलिया जातको बहुवर्षे फुलको विरुवाहरु रोपिएको हो ।
बृक्षारोपण कार्यक्रमलाई लुम्विनी प्रदेश सभाका सदस्य तथा वरिष्ठ अधिवक्ता सुधाकर पाण्डेयले शुभारम्भ गरेका थिए । कपिलवस्तु नगरपालिकाका नगर प्रमुख सुदीप पौडेलेको अगुवाईमा नगर क्षेत्रका उद्योगी व्यवसायी, युवा, महिला, समाजसेवी लगायत सवै वर्गका व्यक्तिहरुको बृक्षारोपण कार्यक्रममा सहभागिता रहेको थियो ।
हरेक घरमा हरियाली हुनु पर्ने ढंगमा नगरपालिकाबाट निति तथा कार्यक्रम नै तय गरि आफु अघि बढिरहेकाे नगर प्रमुख सुदीप पौडेलले बताए । आज विहानैबाट ठुलो पानी परे पनि बृक्षारोपण कार्यक्रम सफलतापुर्वक सम्पन्न भएको बृक्षारोपण कार्यक्रमका संयोजक डा.केपी शर्मा जोनसेनले बताए ।
