कपिलबस्तु, कात्तिक १५ गते । जिल्ला प्रशासन कार्यालय कपिलबस्तुले बजार अनुगमनलाई तिब्रता दिइएको छ । अनुगमनका क्रममा कैफियत देखिएका दुई बेकरी उद्योगलाई ७५ हजार रुपैया जरिवना समेत गरेको हो ।
कपिलबस्तुका सहायक प्रमुख जिल्ला अधिकारी प्रमानन्द घिमिरेका अनुसार चाडपर्व सुरु भएसगै व्यापारीले म्याद गुज्रेका बस्तुहरु बिक्री गर्ने, अखाद्य बस्तुको वेचविखन गर्ने, दैनिक उपभोग्य बस्तुहरुको कृतिम अभाव सृजना गर्नेजस्ता गुनासो आएपछि बजार अनुगमन गरिएको बताउनुभयो ।
उहाँले विगत एक महिना देखि चाडवाड संगै बजार अनुगमनलाई तिब्रता दिइएको बताउनुभयो । खुला रुपमा मिठाई विक्रि गरिरेको मिठाई जफात गरि नष्ट गरिएको सहायक प्रजिअ घिमिरेको भनाई छ ।
खाद्य प्रविधितथा गुण नियन्त्रण डिभिजन कार्यालय कपिलबस्तुका सरोज खनालका अनुसार अनुगमनको क्रममा बजारमा अधिकांश होटल, रेष्टुरेण्ट तथा मिठाई पसल सरसफाई नभएको भेटिएको बताउनुभयो । अखाद्य तेल, चास्नी, मिठाई र लेबल नलागएको वस्तु जाफत गरी नष्ट गरिएको उहाँको भनाई छ ।
त्यस्तै घरेलु तथा साना उद्योग कार्यालका प्रमुख सन्तोष खनालका अनुसार मुल्य सुचि नभएकालाई मुल्य सुचि राख्न र व्यवसय विना दर्ता सञ्चालन गर्नेलाई दर्ता गर्न निर्देशन दिएको बताउनुभयो ।
यसैगरी चाडपर्व नजिकिएसँगै मूल्यवृद्धि, सामानको कृत्रिम अभाव, कालोबजारी र उपभोक्ता हकहितविरुद्धका कार्य हुनसक्ने भन्दै प्रशासनले अनुगमनलाई तीव्रता दिएको छ । सोही क्रममा जिल्ला प्रशासन कार्यालयका नायब सुब्बा बाबुराम पोखरेल, घरेलु तथा साना उद्योग कार्यालयका श्रवण कुमार शैनी, प्रहरी पत्रकार लगायतको सहभागिता रहेको थियो ।
