कपिलबस्तु, कात्तिक २५ गते । कपिलबस्तुको विभिन्न सिमा नाकाबाट अबैध रुपमा भित्र्याइएको प्रतिबन्धित बिष्फोटजन्य पदार्थ(पटका) नष्ट गरिएको छ । जिल्ला प्रहरी कार्यालयले बिभिन्न स्थान, मिति र समयमा भारतबाट नेपाल तर्फ अबैध रुपमा भित्रिएका पटका चेक जांच गर्ने क्रममा फेला नष्ट गरेको हो ।
सिमा क्षेत्रमा रहेका पकडी, चाकरचौडा, कृष्णनगर मर्यादपुर लगायतको नाकाबाट प्रहरीले चार लाख १० हजार मुल्य बराबरको पटाका बरामद गरेको हो ।
प्रहरी नायब उपरिक्षक मोहन मणि अधिकारीले बरामद गरिएको पटका जिल्ला प्रहरी कार्यालय कपिलबस्तुको परिसर भित्र गाडेर नष्ट गरिएको बताउनुभयो । प्रहरीले नाकामा कडाई गरे पनि ब्यापारीले भने लुकीछिपी पटका भित्र्याउने गरेको उहाँको भनाई छ ।
खुल्ला सिमानाको फाइदा उठाउँदै तस्करहरूले हरेक वर्ष ठूलो परिमाणमा सीमावर्ती भारतीय बजारबाट पटका, झिर्झिरे, आलु बलम गायतका पदार्थ खरिद गरी नेपाल ल्याउने गर्दछन् ।
कपिलबस्तुको विभिन्न नाकाबाट अबैध रुपमा भित्र्याइएकोे पटका बरामद गरी नष्ट
