कपिलवस्तु, माघ ३ गते । घरेलु र लैङ्गिक हिंसा प्रभावित महिला र बालिकाका लागि आश्रय गृहको भवन निर्माणका लागि ५० लाख सहयोग गरेकी राजी राज्यलक्ष्मी राणालाई तौलिहवामा सम्मानित गरिएको छ ।
साथी संस्थाको अगुवाईमा निर्माण सुरु गरिएको आवास गृहको स्थाई भवन निर्माणका लागी राणाले सो सहयोग गरेकी थिईन । जिल्ला समन्वय समिति कपिलवस्तुका प्रमुख बाबुराम आचार्य, साथीकी केन्द्रिय अध्यक्ष सजनी पनेरु अमात्य, संयुक्त राष्ट्र« संघिय सिड कमिटीकी सदस्य तथा साथीकी पुर्व अध्यक्ष बन्दना राणाले दाता राजी राज्यलक्ष्मी राणालाई दोसल्ला ओढाई कदरपत्र प्रदान गरेर सम्मान गरेका हुन ।
सो अवसरमा निर्माणाधिन भवनको नामाकरण प्रभु राजी भवन साथी आवास गृह तौलिहवा कपिलवस्तु राखिएको घोषणा गरिएको ताम्रपत्र अनावरण गरिएको थियो । सो अवसरमा समन्वय प्रमुख आचार्यले हिंसा पीडीत महिलालाई राख्नका लागि निर्माण थालिएको आवास गृह निर्माणका लागि राणाले उल्लेखनीय सहयोग गरेका बताए ।
उनले अहिलेको समयमा दाता राणाले नितान्त सामाजिक भावनाले प्रेरित भएर आवास गृहको जग्गा खरिद र भवन निर्माणमा गरेको सहयोगको सराहना गरे । आवास गृहको भवनको निर्माण पुरा नभई सकेको अवस्थामा दाताको थप सहयोग हुनेमा बिश्वास व्यक्त गर्दै उनले जिल्लाका स्थानिय तहले समेत आवश्यक सहयोग गर्न तत्पर रहेको बताए ।
दाता समाजसेवी राणाले गरेको सहयोगका कारण आवास गृहको स्थायित्वलाई सुनिश्चित गरेको साथीकी केन्द्रिय अध्यक्ष सजनी पनेरु अमात्यले बताईन । निर्माणाधिन भवन लागि कपिलवस्तु जिल्लामा जस्तो घरेलु र लैङ्गिक हिंसा प्रभावितका लागि अति आवश्यक आवास गृहमा दाताको सहयोगको खुलेर प्रशंसा गरिन ।
१६ बर्ष यता सञ्चालनमा रहेको आवास गृहको स्थायी संरचनाको अभाव अब नरहने मा उनले खुसी व्यक्त गरिन । भवनको निर्माण पुरा भए सगै दाता राणाबाटै भवनको उदघाटन गरि संरक्षकत्व ग्रहण हुनेमा अध्यक्ष आमात्यले बताईन ।
संयुक्त राष्ट्र« संघिय सिड कमिटीकी सदस्य तथा साथीकी पुर्व अध्यक्ष बन्दना राणाले अभावका बिच समेत आश्रय गृह अहिले सम्म संचालन हुदै आएकोमा खुशी ब्यक्त गरिन । उनले साथीको स्वामित्वमा निर्माणाधिन भवनको नामाकरण प्रभु राजी भवन साथी आवास गृह तौलिहवा कपिलवस्तु राखिएको बताईन । अवास गृहको अधुरो संरचना निर्माणका दाताबाट थप सहयोग हुनेमा उनको बिश्वास छ ।
जिल्लाका केहि स्थानिय तहले र कपिलवस्तु नगरपालिकाले आश्रय गृह निरन्तर सञ्चालनका लागि बिभिन्न सहयोग गर्दै आएको कपिलवस्तु नगरपालिकाका प्रमुख सुदिप पौडेलले बताए । उनले आगामी दिनमा पनि आवास गृहको स्थायित्वको लागि जिल्लाका पालिकाहरुले सहयोगमा तत्परता देखाउने प्रतिबद्धता जनाए । अहिलेको समयमा सामाजिक क्षेत्रमा सहयोग गर्ने कार्य गरेर दाता राणाले प्रशंसायोग्य कार्य गरेको शुद्धोधन गाउँपालिकाका अध्यक्ष कमलेशशरण चौधरीले बताए । आवास गृहको निर्माणमा सबै पालिकाले सकारात्मक सहयोग गर्ने उनले प्रतिबद्धता ब्यक्त गरे ।
स्थायी आवास गृहको सुनिश्चितताले घरेलु र लैङ्गिक हिंसा प्रभावित महिला र बालिकाको न्यायका लागि सहयोग पुग्ने प्रजिअ बिश्व प्रकाश अर्यालले बताए । दाताले आवास गृहमा लगानी गरेर पिडितका लागि न्याय खोज्ने कार्यमा ठुलो सहयोग गरेको प्रहरी नायब उपरिक्षक मोहनमणी अधिकारीले बताए ।
आवास गृहले सन् २००८ मा जिल्लामा सञ्चालनमा आए यता करिब २ हजार ४ सय बढि प्रभावित महिला तथा बालिकालाई आश्रयको सेवा दिएको आवास गृहकी संयोजक बिमला घिमिरेले बताईन ।
गैसस महासंघ लुम्बिनी प्रदेशकी अध्यक्ष जित कुमारी बेल्बासे, नेपाल पत्रकार महासंघ कपिलवस्तु शाखाका अध्यक्ष डिलाराम भुसाल, युएनएफपीएका जिल्ला प्रतिनिधी सन्जय पण्डित, नेपाल पत्रकार महासंघ उपाध्यक्ष तथा साथीका साधारण सदस्य खग प्रसाद चापागाईले जिल्लामा स्थायी आवास गृहको अतिनै आवश्यकता रहेको बेला दाताले गरेको सहयोग प्रशंसनिय र थप सहयोग हुनेमा बिश्वस्त रहेको बताए ।
