साझा न्यूज । विजयनगर
विपन्न समुदायको आर्थिक तथा सामाजिक अवस्थामा सुधारमा ल्याउन स्थानीय कृषकहरुलाई विउ विजन वितरण गरिएको छ । अंधेरी हिल्फेको सहयोगमा कालिका स्वावलम्वन सामाजिक केन्द्रले संचालन गरेको विजय नगर गाउंपालिकाका विभिन्न समूहका ७ वडाका ३५ वटा कृषक समूहलाई करेला, लौका, बोडी, भिन्डी, फर्सी का तरकारीका विउ विजन वितरण गरिएको हो ।
यसै गरी समूहमा सित्तल चीनीको विरुवा पनि वितरण गरिएको छ । यसरी पाएको विउ विजनबाट कृषकहरुले आआफ्नो करेसा बारीमा ताजा र विषादी रहित तकारी उत्पादन गरेका छन् ।
तेसै खेर गएको करेसा बारीमा अहिले तरकारी उत्पादन गरेर खान पाउंदा आफुहरु निकै खुशी भएको विजयनगर गाउंपालिका वडा नं २ जर्लैयाकी समूह सदस्य सोनमति कोरीले बताईन् । ताजा हरियो तरकारी खान मिलेको छ, सोनमतिले भनिन्, “यसले हाम्रो परिवारको स्वास्थ्य सुधार भएको छ, तरकारी खरिद गर्दा खर्च हुने पैसा पनि जोगिएको छ ।”
समुदायमा कृषकहरुमा यसरी परियोजनाले गरेको ससाना सहयोगबाट पनि समुदायिको आर्थिक सामाजिक रुपान्तरणमा सघाउ पुगेको विजयनगर गाउंपालिका वडा न ७ का वडा अध्यक्ष दिनेश चौधरीले बताए । समूहमा मधेशी, पहाडी, दलित, थारु, मुस्लिम लगायत सवै समुदायका सदस्यहरु गरी १ हजार ८१ घर धुरी समेटिएको कार्यक्रम संयोजक सृजना पौडेलले बताईन् ।
परियोजनाका कार्यक्रमलाई वडा स्तरीय कार्यक्रमसंग जोडेर एकीकृत ढंगबाट विपन्न समुदायको जिविकोपार्जनको अवस्थामा सुधार ल्याउन आफुहरु पनि सक्रिय भई लागि परेको विजयनगर गाउंपालिका वडा नं. ५ का वडा अध्यक्ष मोहम्मद अनवर अहमद मुसलमानले बताए ।
