कपिलवस्तु, वैशाख । नेपालको अग्रणी दुई पाङ्ग्रे सवारीसाधन निर्माता बजाज आटोका आधिकारिक विक्रेता कृदारनाथ आटोमोबाइल्सले तौलिहवामा ‘ग्राण्ड एक्सचेन्ज मेला’ सञ्चालन गरेको छ। वैशाख ८ गतेदेखि १३ गतेसम्म चल्ने उक्त मेलामा ग्राहकलाई लक्षित गरी विभिन्न आकर्षक अफरहरू ल्याइएको छ।
मेलामा पुरानो मोटरसाइकल साटेर नयाँ बजाज बाइक खरिद गर्दा थप मूल्याङ्कन, नगद उपहार, आकर्षक क्यास छुट, निःशुल्क हेल्मेट तथा अन द स्पट फाइनान्स सुविधा उपलब्ध गराइएको आयोजकले जनाएको छ। यस्ता कार्यक्रममार्फत ग्राहकलाई सहज रूपमा सवारी साधन अपग्रेड गर्ने अवसर प्रदान गर्ने उद्देश्य रहेको छ।
सञ्चालक विनोद पाठकले मेलाबारे प्रतिक्रिया दिँदै भने, “ग्राहकको माग र आवश्यकतालाई ध्यानमा राख्दै हामीले यो एक्सचेन्ज मेला आयोजना गरेका हौं। पुरानो बाइकको उचित मूल्याङ्कन गरी नयाँ बाइक खरिदलाई सहज बनाउनु हाम्रो लक्ष्य हो। यस्तो अफरले स्थानीय ग्राहकलाई ठूलो राहत मिल्ने विश्वास लिएका छौं।”
उनका अनुसार यस्ता अभियानहरूले बजाज मोटरसाइकलप्रति विश्वास बढाउनुका साथै स्थानीय बजारमा आधुनिक र सुरक्षित सवारीको प्रयोगलाई प्रोत्साहन गर्नेछ।
तौलिहवामा बैशाख ८ गते देखि बजाज ‘ग्राण्ड एक्सचेन्ज मेला’
