कपिलबस्तु, साउन २४ गते । जिल्लाको विजयनगर गाउँपालिका ४ जगदीशपुरबाट प्रहरीले पेस्तोलसहित तीन जनालाई पक्राउ गरेको छ । कृष्णनगर नगरपालिका ८ बहादुरगन्जका स्थानीयवासीलाई गाउँघरमा डर, धम्की देखाउँदै पेस्तोल बोकेर हिँडिरहेको भन्ने सूचना पाएपछि प्रहरीले खोजी गर्ने क्रममा उनीहरूलाई जगदीशपुरबाट पक्राउ गरेको हो ।
पक्राउ पर्नेमा कृष्णनगर नगरपालिका–५ डबराका २३ वर्षीय आषिश पाण्डे, कृष्णनगर नगरपालिका–८ दयानगरका २१ वर्षीय जितेन्द्र मौरिया र सोही स्थानका १९ वर्षीय विनोद कश्यप रहेका छन् ।
जिल्ला प्रहरी कार्यालय कपिलबस्तुका प्रहरी उपरिक्षक मनोहर प्रसाद भट्टका अनुसार उनीहरूको साथबाट एक थान पेस्तोल र लु.६१ प.७०७२ नम्बरको १२५ सीसीको मोटरसाइकल बरामद गरेको बताउनुभयो । पक्राउ परेकाहरूमाथि थप अनुसन्धान भइरहेको प्रहरीले जनाएको छ ।
कपिलबस्तुमा पेस्तोलसहित तीन जना पक्राउ
