शाहले जिल्लामा जुवा–तासका गतिविधि भइरहेको जनगुनासो सार्वजनिक भइरहँदा पनि प्रभावकारी नियन्त्रण हुन नसकेको भन्दै प्रहरी प्रशासन तथा सम्बन्धित सरकारी निकायको ध्यानाकर्षण गराएका हुन्।
उनले जुवा–तास खेलाइने स्थानबारे प्रहरी प्रशासनलाई जानकारी हुँदाहुँदै पनि कारबाही नभएको हो भने त्यसको कारण सार्वजनिक गर्नुपर्ने र जानकारी नभएको हो भने निगरानी तथा अनुगमन प्रभावकारी बनाउनुपर्ने बताएका छन्।
केवल पटाका बरामद गरेर मात्र प्रहरी प्रशासनको जिम्मेवारी पूरा नहुने उल्लेख गर्दै उनले समाजमा विकृति फैलाउने जुवा–तासजस्ता गतिविधि नियन्त्रण गर्नु पनि उत्तिकै आवश्यक रहेको बताएका छन्।
जुवा सञ्चालनमा कुनै व्यक्ति, समूह वा जिम्मेवार निकायको संरक्षण, लापरबाही वा मिलेमतो छ कि छैन भन्ने विषयमा निष्पक्ष छानबिन हुनुपर्ने उनको माग छ। प्रमाणबिना कसैलाई दोषी ठहर गर्न नहुने तर जनगुनासोलाई बेवास्ता गर्न पनि नहुने शाहको भनाइ छ।
जुवा–तासका गतिविधिले युवा पुस्तालाई गलत बाटोतर्फ धकेल्नुका साथै परिवारको आर्थिक अवस्था बिगार्ने र समाजमा अशान्ति तथा असुरक्षा बढाउने जोखिम रहेको भन्दै उनले यस्ता गतिविधि तत्काल नियन्त्रण गर्न सम्बन्धित निकायसँग आग्रह गरेका छन्। सम्वन्धमा भने कपिलवस्तु प्रहरी प्रमुख एसपी मनाेहर प्रसाद भट्टले जुवा तास नियन्त्रणका लागि अाफुहरूले शून्य सहनशीलता अपनाईएकाे दावी गरे ।
