कपिलवस्तु, ५ अषाढ । कोभिड संक्रमणको बारेमा आम सर्वसाधारणमा हुने त्रास हटाउन कपिलवस्तु नगरपालिका वडा नंं. १२ का अध्यक्ष ओम प्रकाश पाण्डेय (तानु बाबा) सक्रिय भई गाउं घरमा सचेतना फैलानमा व्यस्त छन् । कोभिड परीक्षणमा कोभिड पोजेटिभ रिर्पोट आउने सर्वसाधारणहरुलाई वडा अध्यक्ष पाण्डेयले पोजेटिभ देखिने वित्तिकै डराई हाल्नु पर्ने अवस्था नभएको बताउने गरेका छन् ।
वडाका विभिन्न वडावासीहरुसंग वडा कार्यालय, अन्य विभिन्न सार्वजनिक स्थल र गाउंघरमा भेटिने वडावासीहरुमा कोरोना संक्रमणबाट बच्न सकिने उपायहरुका बारेमा वडा अध्यक्ष पाण्डेयले जानकारीमूलक सन्देशहरु प्रवाह गर्दै आएका छन् ।
कोरोना संक्रमण देखिएका विरामीहरुले आफु संक्रमण पूर्व ४८ घण्टा अवधिमा को को संग सम्पर्कमा आएको ति सवैलाई आफु संक्रमण भएको जानकारी गराउन सल्लाह दिएका छन् ।
कोभिड पोजेटिभ भए लगत्तै घरमा २ हप्ता सम्म अलग रहने, नियमित रुपमा व्यायाम, सन्तुलित आहार विहार, नियमित रुपमा योग अभ्यास लगायतमा ध्यान दिनु पर्छ, वडा अध्यक्ष पाण्डेयले, भने “सवै वर्ग धर्म र समुदायमा यो भाईरसको संक्रमण हुन सक्छ । तसर्थ पनि संक्रमित सवैलाई उचित माया ममता र हेरचाहमा विशेष जोड दिनु पर्छ ।” संक्रमित भएकै कारण कोहि पनि अपहेलित हुनु हुदैन, वडा अध्यक्ष पाण्डेयले भने ।
