-ईसाझा न्यूज प्रतिनिधि
कपिलवस्तु। पछिल्लो समय कपिलवस्तु प्रहरी निकै नै चर्चाको शिखरमा रहेको छ, कारण हो एक पछि अर्को सफलता हात पर्नु।
माओवादी केन्द्र कपिलवस्तुका युवा नेता दिपक पाण्डेको हत्यामा संलग्न अपराधीहरुलाई सार्वजनिक गरेको केहि दिनमै फेरि अर्को घटनाका अपराधीहरु पक्राउ गर्न सफल भएको हो।
कपिलवस्तु नगरपालिका ८ का १८ बर्षिय विजयबहादुर कुर्मीको शव गत असार ७ गते कपिलवस्तु ८ पुर्व डिह बेलौहवा स्थित पोखरीमा फेला परेको थियो ।
शव फेला परेपछि अनुसन्धान गर्दै जांदा प्रहरी ले स्थानीय ३२ वर्षीय रमेश कहार, २३ वर्षीय अनिल कहार र २२ वर्षीय बासमति कहारलाइ पक्राउ गरेको कुरा प्रहरी नायब उपरीक्षक धर्मराज भण्डारीले बताए ।
घटना विवरण अनुसार, वासमतिसंग प्रेम सम्वन्ध रहेका विजय बहादुर कुर्मीलाई उनका पति रमेश कहार र भाई अनिल कहारले आफ्नो घरमा कुटपिट गरी हत्या गरेका छन् ।
गत अषाढ ३ गते रमेश छिमेकीको विवाहमा बाहिर गएको मौका छोपी रमेश पत्नी वासमतिले विजय कुर्मीलाई घरमा बोलाईन् । राती नफर्केने गरी विवाह जन्ती गएका रमेश अचानक सोही रात विवाहबाट फर्केर घरमा आउंदा एउटै कोठामा आफ्नी श्रीमतीसंगै विजयलाई भेटे । आफ्नी श्रीमतिसंग पर पुरुषलाई राती आफ्नो कोठामा देखे पछि आफ्ना भाई समेतलाई बोलाई रमेशले विजयलाई कुटपिट गर्दा विजयको मृत्यु भएको प्रहरी अनुसन्धानमा खुलेको छ । मृतक विजयको शव आफ्ना भाई र श्रीमती समेतको सहयोगमा आरोपी रमेशले घर नजिकैको पोखरीमा राती लगेर फालेको प्रहरीले जनाएको छ ।
घटनामा संलग्न पक्राउ तीनै जनालई प्रहरीले अदालतबाट म्याद थप गरि कर्तव्य ज्यान मुद्धामा आवश्यक अनुसन्धान भईरहेको जनाएको छ ।
