नेपालमा गएको २४ घण्टामा २ हजार ७६० जनामा कोरोना भाइरसको संक्रमण देखिएको छ । १० हजार ९८५ जनाको परीक्षण गर्दा सो संख्यामा संक्रमति फेला परेका हुन्।
काठमाडौं उपत्यकामा मात्र बिहीबार थप ४१९ जनामा संक्रमण पुष्टि भएको छ । काठमाडौंका ३१६, ललितपुरका ७४ र भक्तपुरका २९ जनामा संक्रमण पुष्टि भएको हो ।
स्वास्थ्य तथा जनसंख्या मन्त्रालयका अनुसार यो अवधिमा ४ हजार १७ जना संक्रमणमुक्त भएका छन् भने ३३ जनाको ज्यान गएको छ । बिहीबार मृत्यु भएकासहित कोरोनाका कारण निधन हुनेको हालसम्म कुल संख्या ९ हजार १४५ पुगेको छ।
बितेको चौबीस घन्टामा ७ हजार १ सय ३० पीसीआर तथा ३ हजार ८ सय ५५ एन्टिजेन परीक्षण भएको मन्त्रालयले जनाएको छ।
