कपिलवस्तु । पेट्रोलियम पदार्थको मुल्य वृद्धिको विरोध गर्दै कपिलवस्तुको वुद्धभूमि नगरपालिकाको गोरुसिंगेमा युवा विद्यार्थीहरुले प्रधानमन्त्री केपी शर्मा ओली विरुद्ध नारावाजी गर्दै प्रधानमन्त्री ओलीको पुत्ला दहन गरेका छन् ।
नेपाल विद्यार्थी संघका जिल्ला अध्यक्ष राकेश पाण्डेयको नेतृत्वको विद्यार्थी टोलीले पुर्व पश्चिम राजमार्ग अन्र्तगत गोरुसिंगेको आर्मी क्याम्प अगाडीबाट सरकार विरोधी नाराबाजी गर्दै ईलाका प्रहरी कार्यालय अगाडी आई प्रधानमन्त्री ओलीको पुत्ला दहन गरेका हुन् ।
ईलाका प्रहरी कार्यालय अगाडी पेटेलियम पदार्थको मुल्यबृद्धि फिर्ता र संसद पुर्नस्थापनाको माग गदैै प्रदर्शनमा उत्रिएका युवा विद्यार्थीहरुले प्रधानमन्त्री ओलीको पुत्ला दहनका क्रममा विद्यार्थीहरुलाई प्रहरीले हस्तक्षेप गरेको थियो । प्रहरी हस्तक्षेप विच केही बेरको घम्साघम्सीमै विद्यार्थीहरुले सरकार विरोध नारावाजी गर्दै प्रधानमन्त्री ओलीको पुत्ला दहन गरेका थिए ।
सो अवसरमा नेपाल विद्यार्थी संघका जिल्ला नेताहरु शंकर न्यौपाने, रुपक खनाल, अच्युत अर्याल, अखिल क्रान्तिकारीका हरिश चन्द्र खनाल, अनेरास्ववियुका दिपक अनुरागी लगायतका विद्यार्थी नेताहरुको सहभागिता रहेको थियो ।
