नारद कोहार
कपिलबस्तु, असार २३
कपिलबस्तु जिल्लालाई एक समारोहका विच पुर्ण खोप जिल्ला घोषणा गरिएको छ । लुम्बिनी प्रदेशको १० औ र नेपालको ६०औ जिल्लाको रुपमा कपिलवस्तुलाई पुर्ण खोप घोषणा गरिएको हो ।
जिल्लामा १६ देखि २२ महिनाका सबै बालबालिकाहरु खोपको पहुचमा पुगे पछि पुर्ण खोप घोषणा गरिएको छ ।
सो अवसरमा बोल्दै लुम्बिनी प्रदेशका स्वास्थ्य तथा जनसंख्या मन्त्री भोज प्रासद श्रेष्ठले पछी परेको कपिलवस्तु पुर्ण खोप जिल्ला भएकोमा बधाई दिदै जिल्लाको स्वास्थ्य क्षेत्रमा यो ठुलो उपलबधी भएको बताए । धेरै क्षेत्रमा पछि परेको कपिलवस्तु नया संरचना अनुसार सरकारहरु गठन भए पछि बिस्तारै विकासले गति लिन सूरु गरेको उनले बताए । उनले प्रदेश सरकारले स्वास्थ्य क्षेत्रलाई प्राथमिकतामा राखेको बताए ।
कार्यक्रममा प्रदेश सांसद बिष्णु पन्थीले लामो कसरत पछि कपिलवस्तु पुर्ण खोप घोषणा भएकोमा जिल्लाबासीलाई बधाई दिए । स्वास्थ्य क्षेत्रमा कपिलवस्तुका लागि यो ठुलो उपलब्धी रहेको उनले बताए । कार्यक्रममा प्रदेश पुर्ण खोप समन्वय समितिका संयोेजक विकास देवकोटा, प्रजिअ चक्रपाणी पाण्डेय, बाणगंगा नगरपालिका मेयर मंगल प्रासद थारु, स्वास्थ्य कार्यालयका प्रमुख हेमराज पाण्डेय लगातयले मन्तब्य दिएका थिए ।
बिभिन्न १२ वटा रोग बिरुद्ध २ बर्ष मुनीका बालबालिकाहरुलाई खोप लागेका छ । खोपका पहुच बालबालिका सम्म पुगेको पाण्डेयले बताए । जिल्लामा १६ देखि २३ महिना सम्मका ६ हजार ७ सय ३९ जनालाई खोप लगाई सकिएको छ । यस्तै २ बर्षमुनीका २६ हजार ९ सय ५४ जनालाई समेत बिभिन्न १२ वटा रोग बिरुद्ध खोप लगाई सकिएको स्वास्थ्य कार्यालयका खोप अधिकृत चिन्तामणि ज्ञवालीलीले बताए । कार्यक्रम जिल्ला समन्वय समितिका प्रमुख नारायण प्रसाद खनालको अध्यक्षतामा भएको कार्यक्रमको संचालन र खोप अधिकृत चिन्तामणि ज्ञवालीले गरेका थिए ।