काठमाडौं । पछिल्लो २४ घण्टामा देशभर थप १८ सय ३१ जनामा कोरोना भाइरस संक्रमण पुष्टि भएको छ ।५५३५ पीसीआर परीक्षणमा १२३७ जना र ३६८३ एन्टिजेन परीक्षणमा ५९४ गरी १८३१ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
पछिल्लो २४ घण्टामा काठमाडौं उपत्यकामा ३९१ जना संक्रमित भेटिएका छन् । काठमाडौंमा २६३, भक्तपुरमा ३१ र ललितपुरमा ९७ जना संक्रमित पुष्टि भएको छ ।
पछिल्लो २४ घण्टामा कोरोना संक्रमणबाट थप २० जनाको मृत्यु भएको छ भने १५३३ जना संक्रमण मुक्त भएका छन् ।
