काठमाडौं । आजै नियुक्ती पाएका स्वास्थ्य तथा जनसंख्या राज्यमन्त्री उमेश श्रेष्ठले सिंहदरबारमा शपथ लिएका छन् ।
प्रधानमन्त्री शेरबहादुर देउवाले राज्यमन्त्री श्रेष्ठलाई शपथ गराएका हुन् । उक्त अवसरमा प्रधानमन्त्री तथा मन्त्रिपरिषद कार्यालयमा मन्त्रीहरुसमेतको उपस्थिति रहेको थियो ।
यसअघि राज्यमन्त्रीको शपथ राष्ट्रपतिको उपस्थितिमा प्रधानमन्त्रीले शीतल निवासमा गराउने परम्परा भए पनि यसपटक उक्त परम्परालाई तोड्दै सिंहदरबारमै पद तथा गोपनीयताको शपथ ग्रहण गराइएको हो।
यसअघि महान्यायाधिवक्ता खम्मबहादुर खातीले पनि सर्वोच्च अदालतमा प्रधानन्यायाधीश चोलेन्द्रशम्शेर जबरासँग शपथ लिएका थिए ।
शपथ ग्रहण लगत्तै उनले स्वास्थ्य मन्त्रालय पुगेर कार्यभार सम्हालेका छन्। राज्यमन्त्री श्रेष्ठले खोपको व्यवस्थापन नै अहिलेको आफ्नो प्राथामिकता भएको बताए।
