गुल्मी। गुल्मीमा जीप दुर्घटना हुँदा तीनजनाको मृत्यु भएको छ भने सात जना घाइते भएका छन् ।
चन्द्रकोट गाउँपालिकाको शान्तिपुरबाट सदरमुकाम तम्घासतर्फ आउँदै गरेको लु १ ज ४५५९ नम्बरको जीप मुसिकोट नगरपाालिका –४ दोभानमा बुधबार मध्यानमा दुर्घटना भएको थियो ।
दुर्घटनामा परि चन्द्रकोट गाउँपालिका –४ शान्तिपुरका तेजेन्द्र थापा, चन्द्रकोट गाउँपालिका हरेवाका तेजेन्द्र कार्कीको मृत्यु भएको जिल्ला प्रहरी कार्यालय, गुल्मीका सुचना अधिकारी पुरुषोत्तम प्रसाद पाण्डेले जानकारी दिए ।
अर्का एकजनाको भने सनाखत हुन नसकेको पाण्डेले बताए । उनका अनुसार जीप सडकबाट करिब दुई सय मिटर तल खसेको छ ।
घाइतेमध्ये एकजनाको अवस्था गम्भिर रहेको छ । घाइते सबैलाई अहिले तम्घास ल्याइएको र अवस्था हेरीकन रिफर गरिने पाण्डेले बताए । घटनाबारे थप विवरण आउन बाँकी छ ।
