-टोकियो/जापान प्रतिनिधि
गैरआवासीय नेपाली संघको अध्यक्षमा शिवप्रसाद पौडेल बिजयी भएका छन । गैरआवासीय नेपाली संघ जापानको दशौ महाधिवेशनबाट अन्य चार प्रतिस्पर्धीहरूलाई पछाड़ी पार्दै पौडेल निर्वाचित भएका हुन ।
जुलाई २५ बाट जारी गैरआवासीय नेपाली संघ (एनआरएनए) जापानको महाधिवेशननमा नयाँ कार्यसमिति २०२१-२३ का लागि सहमति जुटाउने प्रयास सफल नभएपछी आज विहान १० बजेबाट मतदान सुरु भएको थियो ।
निर्वाचन आयोगका अनुसार कुल ९ हजार ३ सय ९४ मतदाता रहेकामा कुल ७ हजार ७ सय ६७ मत खसेको थियो । त्यसमा पौडेलले ३ हजार ३८ मत प्राप्त गरेका छन । त्यसैगरी निकटतम प्रतिस्पर्धी अनिता गुरुंगले १ हजार ८ सय ६९ मत प्राप्त गरेकी छन । त्यसैगरी वरिष्ठ उपाध्यक्षमा नबिन निउरे निर्वाचित भएका छन ।यस पटक कुल २९ पदका लागि ५९ जनाले उम्मेदवारी दावी गरेका थिए । अध्यक्ष पदमा मात्र पाँच जनाले दावी प्रस्तुत गरेका थिए भने सवैभन्दा धेरै उम्मेदवार उपाध्यक्ष र सदस्य पदमा परेको थियो । चार जनाको उपाध्यक्ष पदमा ११ जनाले दावी गरेका थिए भने सात जनाको सदस्य पदमा १८ जनाले उमेदवारी दिएका थिए ।