देशलाई संघीय प्रणालीमा लगिएपछि स्थानीय तहका जनप्रतिनिधि छोटे राजा भएको टिप्पणी भइरहेको छ। जनताबाट निर्वाचित जनप्रतिनिधिमा सुखसयलमा रमाउने, अहंकार देखाउनेजस्ता सामन्ती स्वभाव देखिएपछि उनीहरूको आलोचना भइरहेको हो।
यहीबीच धनुषाको विदेहनगरपालिकाका मेयर बेचन दासले कार्यकक्षमै कार्यालय सहयोगी करण दासलाई गर्न लगाइरहेको तस्बिर सार्वजनिक भएको छ। तस्बिरमा मेयर बेचन सोफामा उत्तानो परेका छन् भने कार्यालय सहयोगी करणले उनको गोडा मालिस गरिरहेका छन्।
यस्तो तस्बिर सार्वजनिक भएपछि मेयर दासको व्यापक आलोचना भइरहेको छ। उनको चालढाल पहिलाका राणा शासकजस्तै देखिएको स्थानीयको आरोप छ।
दास नेकपा माओवादी केन्द्रबाट मेयरमा निर्वाचित भएका हुन् । पछिल्लो समय उनी नेकपा एमालेमा गएपछि माओवादी केन्द्रले उनलाई स्पष्टीकरण सोधेको थियो ।
मेयर दासले भने आफू बिरामी परेका बेला कार्यालय सहयोगी भए पनि काकाका छोरा आफ्नै भाइ भएकाले उनलाई खुट्टा थिच्न लगाएको स्पष्टीकरण दिएका छन्।
