काठमाडौं । आज राष्ट्रियसभाको बैठक बस्दै छ । बानेश्वरस्थित संसद् भवनमा दिउँसो १ बजे बैठक बस्ने संसद् सचिवालयले जनाएको छ ।
आजको बैठकमा प्रधानमन्त्री शेर बहादुर देउवाले आर्थिक वर्ष २०७६÷७७को नेपाल सरकारको वार्षिक प्रतिवेदन पेस गर्ने कार्यसूचि रहेको सचिवालयले जनाएका छ ।
यस्तै, प्रधानमन्त्री देउवाका तर्फबाट ‘सुरक्षण मुद्रणसम्बन्धी विधेयक, २०७७’ र ‘लोक सेवा आयोग विधेयक, २०७५’ माथि विचार गरियोस् भन्ने प्रस्तावसमेत प्रस्तुत गरिने जनाइएको छ ।
ऊर्जा, जलस्रोत तथा सिंचाइमन्त्री पम्फा भुसालले ‘विद्युत् विधेयक, २०७७’ प्रस्ताव प्रस्तुत गर्ने कार्यसूची रहेको छ ।
