-बबिता गिरी, तौलिहवा
साउनको अन्तिम सोमबार रातो, पहेंलो र हरियो चुरा, पोते तथा कपडामा सजिएका महिलाहरु विहान देखि तौलेश्वरनाथ शिवालय मन्दिरमा धुइँचो लागेका थियो ।
तौलिहवामा रहेको तौलेश्वनाथ शिवालय मन्दिर एसियाकै सबै भन्दा ठूलो शिवलिङ्ग भएको शिवालय मानिन्छ । साउने सोमबारको ब्रत समापनको दिन भएकोले मन्दिरको वरिपरि कोरोना महामारी विर्सेर नै भीडभाड थियो ।
शिवालय वरिपरि पुजा सामाग्री, फलफूल बेच्ने तथा दानदक्षिना गर्नेको भीड थियो । पौराणिक मान्यताअनुसार साउन महिना भगवान शिवको महिनाका रुपमा लिइने तथा पार्वतीले महिनाभरि निराहर रही कठोर व्रत बसेर भगवान शिवलाई प्राप्त गरेको हुनाले महिलाहरुले यसलाई बढी महत्वको रुपमा लिने गर्छन ।
‘साउन महिना धार्मिक, प्राकृतिक र साँस्कृतिक हरेक दृष्टिकोणले महत्वपूर्ण भएकाले यस अवधिलाई विशेष रुपमा लिइन्छ’ साउनको सोमबार शिवलाई शुद्ध जल वा दूध चढाएर खुशी बनाउन सकिन्छ भन्ने शास्त्रीय मबान्यता छ ।
मन्दिरमा पुजा मात्र नभएर फोटो खिच्नेहरुको पनि भिड थियो । मन्दिर परिसरमा भेट्नुभएकी प्रमिसा अर्याल भन्नुहुन्छ, हरेक वर्ष आफ्नो परिवारको सुस्वास्थ्य र आफ्नो उज्वल भबिष्यको कामनाका गर्दै ब्रत बसेकी छु ।
