सर्लाही रानीगञ्जकी एक किशाेरीको मृत्यु भएको विषयलाई लिएर स्थानीयवासीले लालबन्दीस्थित ईलाका प्रहरी कार्यालय अगाडि आएर पूर्व–पश्चिम राजमार्ग अवरुद्ध पारेका छन् ।
युवतीको हत्या भएको दावीसहित दोषीलाई कारवाहीको माग गर्दै स्थानीयहरूले लालबन्दीस्थित ईलाका प्रहरी कार्यालय अगाडि राजमार्गमा नाराबाजीसहित टायर बालेर चक्काजाम गरिरहेका हुन् ।
प्रदर्शनका कारण बुधवार मध्यान्ह १२ बजेदेखि राजमार्ग अवरुद्ध छ । युवती हराएदेखि गाउँका ती दुई युवक पनि बेपत्ता भएको सूचना प्रहरीले पाएको थियो । सोही सूचनाका आधारमा युवकहरूलाई मङ्गलवार दिउँसो महोत्तरीस्थित आफन्तको घरबाट पक्राउ गरेर ल्याइएको प्रहरीले जनाएको छ ।
युवकहरूले नै मङ्गलवार राती युवतीको शव रहेको स्थान देखाएका हुन् । साउन ३१ गतेदेखि बेपत्ता रानीगञ्जकी १६ वर्षीया प्रियंका भुजेल मंगलवार राती मृत भेटिएकी थिईन्
