दाङमा प्रहरीले करिब १२ किलो सुकुटी सहित २ जनालाई पक्राउ गरेको छ । पक्राउ पर्नेमा राजपुर गाउँपालिका १ का ४६ वर्षीय हेमराज गिरी र घोराही उपमहानगरपालिका ११ हापुरका ३२ वर्षीय दामोदर योगी रहेको जिल्ला प्रहरी कार्यालय दाङले जनाएको छ ।
उनीहरूलाई शनिबार साँझ करिब सवा ६ बजेतिर करिब १२ किलो सुकुटी सहित पक्राउ गरिएको जिल्ला प्रहरी कार्यालय दाङका प्रवक्ता एवं डीएसपी मुकुन्द प्रसाद रिजालले जानकारी दिए ।
उनका अनुसार राजपुर १ माररिखोला स्थित इलाका प्रहरी कार्यालय गढवाबाट खटिएको प्रहरी टोलीले दुबै जनालाई शंका लागी चेकजाँच गर्ने क्रममा उनीहरूको साथमा रहेको २ वटा झोलाबाट करिब १२ किलो सुकुटी फेला परेको थियो । साथै, उनीहरूलाई आवश्यक अनुसन्धानको लागी डिभिजन वन कार्यालय लमहीमा बुझाउने तयारी भइरहेको प्रहरीले जनाएको छ ।
