एमाले (एकीकृत समाजवादी) बाट २९ जना सांसद र ५५ जना केन्द्रीय सदस्यले गरे सनाखत नेकपा एमालेबाट विभाजन भएर गएको नेकपा एकीकृत समाजवादी पार्टीमा एमालेका २९ सांसद र ५५ केन्द्रीय सदस्यले आफ्नो हस्ताक्षर सनाखत गराएका छन्।
बुधबार निर्वाचन आयोगमा पुगेर उनीहरुले आफ्नो हस्ताक्षर सनाखत गराएका हुन्। दर्ताका लागि दिइएको निवेदनमा हस्ताक्षर नगरेकाहरुलाई आयोगले सनाखतमा सहभागी गराएको छैन। जसका कारण नेताहरु झलनाथ खनाल, सोमप्रसाद पाण्डेलगायत केही छुटेका छन्।
अब कानुनतः उनीहरु एमालेमै रहेको मानिनेछ। उनीहरुलाइ एमालेले कारबाही गरेमा सांसद पद जानेछ। सरकारले संसदीय दल वा केन्द्रीय समितिमा २० प्रतिशत सदस्य पुर्याएर पार्टी विभाजन गर्न सक्ने अध्यादेश ल्याएपछि एमाले औपचारिक विभाजन भएको हो।
