अर्घाखाँचीको शीतगंगा नगरपालिका ३ ठाडामा शनिबार बिहान यात्रुवाहक माइक्रो बस दुर्घटना हुँदा एक यात्रुको ज्यान गएको छ ।
काठमाडौंबाट अर्घाखाँचीतर्फ आउँदै गरेको बा ३ ख ८६३९ नम्वरको हाइस आज बिहान ४: ५० बजे दुर्घटना हुँदा एक जनाको ज्यान गएको हो । चालक, सहचालकसहित जम्मा ११ जना सवारमध्ये जिल्लाको भुमिकास्थान नगरपालिका वडा नम्वर ९ निवासी अन्दाजी ३२ वर्षीय संजय विकको घटनास्थलमै मृत्यु भएको हो ।
हाइसमा सबारमध्ये दुई जना गम्भीर, चार जना मध्यम र बाँकी चार जना सामान्य घाइतेहरुको समयमै उद्धार गरी प्राथमिक स्वास्थ्य केन्द्र ठाडामा उपचार गरिएको र एक जना गम्भीर घाइतेसहित पाँच जनालाई थप उपचारको लागि भैरहवा मेडिकल कलेजमा रिफर गरिएको इलाका प्रहरी कार्यालय ठाडाले जानकारी गराएको छ ।
