कपिलवस्तु । अपरिचित व्यक्तिहरुले नेपाल खानेपानी संस्थान तौलिहवा शाखा अन्र्तगत जगदिशपुर गाउंमा भर्खरै जडान गरिएको विद्युत टान्सफर्मर चोरी भएको छ । संस्थानले जगदीशपुर क्षेत्रमा ओभरहेड टंकी सहित पाईप लाईन सप्लाई गरी स्थानीयलाई खानेपानी आपुर्ति गर्न निर्माण कार्य अघि बढाउंदै गर्दा सो विद्युत टान्र्सफार्मर चोरी भएको संस्थानका प्रमुख ईन्जिनियर अजय कुमार साहले बताए ।
करीब ४ लाख रुपैया पर्ने टन्सफर्मर चोरी भए संगै सो क्षेत्रमा काम गर्र्दै आएका निर्माण व्यवसायी र संस्थान समेत अन्य सामाग्रीहरु पनि चोरी हुने हो कि भन्नेमा शसंकित बनेका छन् । चोरी भएको घटना बारे वडा कार्यालय र संस्थानबाट प्रहरीलाई पत्राचार गरिएको तर चोरी गर्ने व्यक्तिहरु अझै पक्राउ हुन नसकेका छैनन् ।
संस्थानले जगदीशपुर गाउंलाई केन्द्र मानेर आसपासमा करीब १५ किलो मिटर पाईप लाईन विछ्याउने काम पनि ठेक्का प्रक्रियाबाट अघि बढाएको छ । ओभर हेड ट्यांकी, कार्यालय भवन र अन्य भौतिक पुर्वाधार निर्माण कार्य समेत गर्ने योजना अघि बढि सकेको संस्थानले जनाएको छ । खानेपानी योजनाले पूर्णता पाए संगै जगदीशपुर र आसपासका क्षेत्रका करीब २ हजार घर धुरीले स्वच्छ खानेपानीको सुविधा पाउने छन् ।
