साझा न्यूज । कपिलवस्तु
नेपाली कांग्रेसका पुर्व महाअधिवेशन प्रतिनिधी पुजारी दुवेलाई पुत्र शोक परेको छ । मायादेवी गाउंपालिका वडा नं. ७ बलुहवा निवासी नेता दुवेका ३७ वर्षीय छोरा प्रदीप दुवेको निधनबाट सिंगो दुवे परिवार शोकमा डुबेको छ । छोरा दुवे आज विहान अचानक मृत्यु भएको परिवारले जनाएको छ ।
मृत आत्माको चीर शान्ति र शोक सन्तप्त परिवारजन प्रति समवेदना प्रकट गर्न नेपाली कांग्रेसका नेता सुधाकर पाण्डेय लगायतको टोली दुवे निवास बलुहवा पुगेको थिए । नेता दुवेको परिवार उपर परेको यो बज्रपातबाट सिंगो नेपाली कांग्रेस परिवार दुखी रहेको नेता पाण्डेयले बताए ।
यसै गरी नेपाली कांग्रेसका जिल्ला नेता लोकनाथ शर्मा, महेन्द्र पाठक, वलीउद्दीन मुसलमान, मुख्तार अहमद खां, सुमित्रा शर्मा, मायादेवी गाउंपालिकाका प्रमुख बजरंगी चौधरी, वडा अध्यक्षहरु कृष्ण नारायण तिवारी, राजेन्द्र पाण्डेय लगायतका नेताहरु र नेपाल प्रेस यूनियनका सभापति गोपाल भण्डारी समेत दुवे परिवारमा पुगी मृत आत्माको चीर शान्ति र शोक सन्तप्त परिवारजन प्रति समवेदना प्रकट गरेका छन् ।
मृतक प्रदीप दुवे
यसै विच नेपाली कांग्रेस कपिलवस्तुका सभापति सुरेन्द्र राज आचार्यले शोक वक्तव्य जारी गर्दै मृत आत्माको चीर शान्ति र शोक सन्तप्त परिवारजन प्रति समवेदना प्रकट गरेका छन् ।
मृतक दुवेको शव घर नजिकैको आफ्नो जग्गामा दाह संस्कार गरिएको छ । मृतक दुवेका २ छोरा, २ छोरी र श्रीमती रहेका छन् ।
