काठमाडौ – लोकतान्त्रिक आन्दोलनको पुरानो पार्टी नेपाली कांग्रेसमा युवाको वर्चस्व बढ्दै गएको छ । १४औं महाधिवेशन अन्तर्गत भइरहेका अधिवेशनहरूमा युवाहरू नेतृत्वमा आइरहेका छन् ।
कञ्चनपुरको बेलडाँडी गाउँ कार्यसमितिका लागि भएको चुनावमा बाजेलाई हराउँदै नाति विजयी भएका छन् ।
बेलडाँडीमा कूल ८५ मतदाता रहेकोमा सभापति पदमा ८५ मत नै खसेका थिए । जसमध्ये नाति गजबहादुर बिष्टले ४५ र बाजे पृतबहादुर बिष्टले ३७ मत पाएका छन् । यससँगै सभापति पदमा बाजेलाई हराउँदै नाति विजयी भएका छन् । ३ मत बदर भएका थिए ।
सचिव पदमा कुलैराज उपाध्याय र सचिन कठायतको बराबर ३८ मत आएपछि गोलाप्रथाबाट कुलैराज विजयी भएका छन् ।
